Close ×

Search EBBA

EBBA 31301

British Library - Roxburghe
Ballad XSLT Template
Three Excellent New SONGS:
I. Had awa frae me, Donald. II. The Surprize. III. Whistle
oer the lave ot.
Had awa frae me,
Donald.

O Will you hae ta tartan plaid,
Or will you hae ta ring, Maattam?
Or will you hae ta kiss o me?
And dats ta pretty ting, Mattam.
Had awa, bide awa,
Had awa frae me, Donald;
Ill neither kiss nor hae a ring,
Nae tartan plaids for me, Donald.

O see you not her ponny progues,
Her fecket plaid, plew, creen, Mattam?
Her twa short hose, and her twa spiogs,
And a shoulter-pelt apoon, Mattam?
Had awa bide awa,
Had awa frae me, Donald;
Nae shoulder-belts nae trinkabouts,
Nae tartan hose for me, Donald.

Hur can pe shaw a petter hough
Tan him wha wears the crown, mattam;
Hersell hae pistol and claymore
Ta flie ta lallant loun, Mattam.
Had awa, had awa,
Had awa frae me, Donald;
For a your houghs and warlike arms,
Your no a match for me, Donald.

Hursell hae a short coat pi pote,
No trail my feets at rin, mattam;
A cutty sark of good harn sheet,
My mitter he be spin, mattam,
Had awa, had awa,
Had awa frae me, Donald;
Gae hame and hap your naked houghs,
And fash nae mair wi me, Donald.

Yes neir pe pidden work a turn
At ony kind o spin, Mattam,
But shug your lenno in a scull,
And tidel highland sing, Mattam.
Had awa, had awa,
Had awa frae me, Donald;
Your jogging sculls and highland song
Will sound but harsh wi me, Donald.

In ta morning when him rise
Yes get fresh whey for tea, Mattam;
Sweet milk an ream as much you please,
Far cheaper tan pohea, Mattam.
Had awa, had awa,
Had awa frae me, Donald;
I winna quite my mornings tea,
Your whey will neer agree, Donald.

Haper Gallic yes be learn,
And tats ta ponny speak, Mattam;
Yes get a cheese and putter-kirn
Come wi me gin ye like, Mattam;
Had awa, had awa,
Had awa frae me, Donald;
Your Gallic and your Highland chear
Will neer gae down with me, Donald.

Fait yes pe ket a silder brotch
Pe pigger as the moon, Mattam:
Yes ride in curroch stead o coach,
An wow put yell pe fine, Martam.
Had awa, had awa,
Had awa frae me, Donald;
For a your Highland rarities
Youre not a match for me, Donald.

Whats tis ta way tat yell pe kind
To a protty man like me, Mattam?
Sae langs claymore pe po my side,
Ill nefer marry tee, Mattam.
O come awa, run awa,
O come awa wi me, Donald;
I wadna quite my Highland man;
Frae Lallands set me free, Donald.

The Surprise


I Had a horse and I had nae mair,
I gat him frae my daddy;
My purse was light and my heart was fair
But my wit it was fu ready.
And sae I thought upon a wile,
Outwittens of my daddy,
To see mysell to a lowland laird,
Who had a bonny lady.

I wrote a letter, and thus began,
Madam, be not offended,

Im oer the lugs in love wi you,
And care nae tho ye kend it.
For I get little frae the laird,
And far less frae my daddy,
And I would blythly be the man
Would strive to please my lady.

She read my letter, and she leuch.
Ye needna been sae blate, man:
You might hae come to me yoursell,
And tald me o your state, man:
You might hae come to me yoursell,
Outwittens of your daddy,
And made John Goukston of the laird,
And kissd his bonny lady.

Then she pat siller in my purse,
We drank wine in a cogie;
She feed a man to rub my horse,
And wow but I was vogie:
But I gat neer sae fair a fleg
Since I came frae my daddy,
The laird came rap rap to the yate,
Whan I was wi his lady.

Then she pat me below a chair,
And hapd me wi a plaidie;
But I was like to swarf wi fear,
And wishd me wi my daddy.
The laird went out, he saw na me,
I went whan I was ready:
I promisd but I neer gaed back
To see his bonny lady.

Whistle oer the lave
ot


MY mither sent me to the well,
She had better gaen hersell,
I got the thing I dare nae tell,
Whistle oer the lave ot,

My mither sent me to the sea,
For to gather musles three;
A sailor lad fell in wi me,
Whistle oer the lave ot.

View Raw XML