Canticum Catholicum,
SIVE
INVITATIO
AD
Religionem Romanam.
Fundata Rationibus Ponderosis.
Latine reddita & Anglico-metris pariter & Rythmis juste respondens 88.
|
UT Papisma reddatur, jam nunc arguatur
|
Et multi id conentur
|
Non possum celare quod se approbare
|
Poetastri consitentur.
|
Nemo disputet plus; nam Haereticus
|
Scriptum omne derisit nostrum
|
Ut satius jam, pro causa palam
|
Cantare pu tetur in posterum
|
O Catholica causa! assistito Musa
|
Cor servide Te requirit;
|
Nec hodie petam Sanctam Bridgetam
|
Modo vis Tua nunc inspiret.
|
Unde puritas data, quae non Romae nata?
|
Vos nequeo non mirari,
|
Ibi Petrus nam tetram reliquit Cathedram,
|
Sat mundum sanctificare.
|
Sacrum hoc vetus Lignum est valde benignum,
|
(si credendi traditores)
|
Qui illic sedebit non amplius timebit
|
Periculum per errores.
|
Si Diabolus pedem conferret ad Sedem
|
(Quem novimus tam nefandum)
|
Dum in ea restaret, pars magna juraret
|
Diabolum infallendum.
|
At solus locatur in hac Papa Pater
|
Quo liquido demonstratur
|
Nos imus in luce rectissimo duce
|
Et devians quisque damnatur.
|
Si non obstante quod dicitur ante
|
Mala coecat vos educatio,
|
En multum argumentum, & miracula centum,
|
Queis tota vincatur natio,
|
Attende (licebit) si quid persuadebit
|
Et hostia fundet cruorem,
|
Imago loquetur, vel stridula audietur
|
In Dominae Nostrae honorem.
|
Ejicimus certe Diabolum arte,
|
Ut Erra Pater quondam,
|
Et saliet prorsus ceu saltitans Ursus,
|
Cum senserit sanctam Undam,
|
Si nunc dubitas, en Reliquias!
|
Sacrum Praesepe, rarum
|
Mille onera Crucis in optimos usus
|
Tutelam Animarum.
|
Si omnia narrarem saxa ipsa moverem
|
Sed humanius ago, praesertim
|
Ut te denuo pares, & arrigas aures
|
Ad secundam Cantici partem.
|
|
|
|
|
Secunda Pars.
|
JAM quilibet praestet aures ad quod restat
|
Remedia non temnenda,
|
Quo sit minus durum, efficere curam
|
Mox Biblia sunt amovenda
|
Is liber horrendus & nunquam legendus
|
(Hoc dicerem multo elatius)
|
Plus damni causavit quis non affirmavit?
|
Quam Sclopus aut pulvis nitratus.
|
Fides vestra sit talis Ecclesiae qualis
|
Scripturas Doctis linquentes,
|
Sunt enses acuti queis non scitis uti,
|
Et Laicos laedunt tangentes.
|
Cur adeo cupitis eruditi ut sitis
|
Et Legatis cum intellectu,
|
Venite in partem docebimus artem
|
Sufficiet pro isto defectu
|
Fere omnia fecisti, si sis AEdis Christi
|
Bonus filius, fac quod voles,
|
Si Rosarium percurras, ac Ave Marias,
|
Coelestia praemia tolles.
|
Nam Clavium potestas, est Papae Majestas
|
Nec diu in dubio stabis
|
Aut tu per Anticam aut per Posticam
|
Indulgentiarum intrabis.
|
At parum in via manendum est quia
|
Stat quoddam Diversorium
|
In medio mensurae Inferni structurae
|
Vocatur Purgatorium.
|
Praecalidus locus nec ullum est decus
|
In poena hac continuare
|
Manent hic tantum stulti, & miseri multi
|
Qui nequeunt nummos parare.
|
Modo solvas affatim discedas hinc statim
|
Notum est ab Ecclesia curari,
|
Quod Cruces pro nummis, & Missae pro summis
|
Defendunt hic diu morari.
|
Ita planus est casus ut in facie Nasus
|
Certissima nostra conditio,
|
Ac solum ignaros & parce avaros
|
Deprendit extrema perditio
|
Quid igitur Dives tam turpiter vives
|
Et expers consilii peribis,
|
Cum utcunque peccatur venia empta paratur
|
Vel Maechis vel Homicidis.
|
O Mulieres comptae, ad omnia promptae,
|
Conciliare Vos conamur;
|
Dare debitum Vobis fidissimae Nobis:
|
Et spero cunctas demereamur.
|
Si forte peccetis, levem poenam feretis
|
Licet haud sit expendienda;
|
Habemus Remedium, si curatis propediem
|
Confiteri committenda.
|
Unum restat dicendum, minime omittendum
|
Iis qui amant Gallicam Gentem,
|
Hac Illius cultum promovemus Gentem,
|
Religionem praevalentem.
|
Si haec persuadebunt, (& certe valebunt)
|
Ut Papisma jam recipiatur,
|
Vix concipiatis; aut bene credatis
|
Quid commodi hinc oriatur.
|
Nos Papa beabit, quod multum juvabit
|
Et videbimus restauratas
|
Italicas Artes, quae fecerant has Partes
|
Tantum olim adoratas.
|
O Picturas pulcellas! Rosaria, Bullas
|
Mellitaque Verba, quae dabunt
|
Res his cariores ex Templo ad Fores
|
Vili AEre venales prostabunt.
|
Commercium & Amor, quibus omnes movemur
|
Britanniae reddentur statim
|
Sermo fluet Romanus, adeo ut quaelibet Anus
|
Aget preces Latinas affatim.
|
Ecclesia regnabit, & Regnum prostrabit
|
Quae mira nunc videntur
|
Superbissimus Rex & Laicus Grex
|
Subsident aut subjicientur:
|
Parliamentum etiamnum, quod nostrum in damnum
|
Spiravit tot Terrores
|
Propterea olim (plura dicere nolim
|
Forte consiteantur Errores)
|
Jam si quis Profanus perstaret insanus
|
Invictus prece aut minis
|
Per Missam jurarem Eum Asinum merum
|
Atque hic est Cantici Finis.
|
|
|
|
|