%ISOlat1; %ISOlat2; %ISOnum; %ISOpub; ]> The Exhortatioun to the Lordis Sempill, Robert University of California - Santa Barbara The Early Modern Center English Broadside Ballad Archive (EBBA) Director Patricia Fumerton Associate Director Carl G Stahmer 1571-1571 Early Modern Center, University of California Santa Barbara Santa Barbara, CA 10/29/2018 36368

The University of California makes a claim of copyright only to original contributions made by Early Modern Center participants and other members of the university community. The University of California makes no claim of copyright to the original text. Permission is granted to download, transmit or otherwise reproduce, distribute or display the contributions to this work claimed by The University of California for non-profit educational purposes, provided that this header is included in its entirety. For inquiries about commercial uses, please contact:

Patricia Fumerton Early Modern Center - English Department University of California Santa Barbara, CA 93105 United States of America EMail: pfumer@english.ucsb.edu

S3176 O Lusty lords, & barrounis yat bene bauld / That for gude caus ar now asseblid heir Society of Antiquaries of London - Broadsides Editor none none none none Information in this section of the Source Description refers to the original ballad manuscript. 18: 9 The Exhortatioun to the Lordis The Exhortation to the Lords Sempill, Robert Printer Robert / Lekpreuik 1571-1571

This document follows the guidelines specified for TEI.

XML Generated Automatically at 10/29/2018 3:27:57 PM Using EMC

XBallad Parsing Engine developed by Carl G Stahmer.

TEI Template developed by Gerald Egan and Modified by Carl Stahmer

All apostrophes are encoded as '.

Any dashs occurring in line breaks have been removed;

All dashs are encoded as ‐ and all em dashes as —.

 Early Modern Center Ballad Project Keyword Taxonomy advice affliction / health alcohol Americas animals / nature Bible / biblical figures buildings / architecture catastrophe children class clothing / appearance country / nation crime death economics / commerce entertainments family Featured folklore gender holidays / seasons infidelity labor / craft law London love maritime marriage military / war monstrosity mythology / Classical news nobility / court politics / government procreation punishment race / ethnicity religious concepts religious figures religious groups royalty rural life servitude sex / sexuality supernatural / magic travel trickery / deceit urban life vice violence virtue vulgar humor youth / age Library of Congress Subject Heading Taxonomy 10/29/2018 Santa Barbara, California, United States of America Ballads, English 17th century Broadsides, England 17th century 10/29/2018 3:27:57 PM XBallad Raychawdhuri, Anita Created XML Version of Ballad 10/29/2018 3:27:57 PM Transcription Supervisor McCants, Kristen Transcription of ballad manuscript 10/29/2018 3:27:57 PM Double-Key Comparison and Merging McCants, Kristen Transcription of ballad manuscript 10/29/2018 3:27:57 PM Transcriptionist Two Raychawdhuri, Anita Transcription of ballad manuscript 10/29/2018 3:27:57 PM Transcriptionist One Messner, Milena Transcription of ballad manuscript 9/7/2017 Bibliographer Kristen McCants Initial Ballad Catalogue Record Created 6/11/2018 Checker Kristen McCants Edited Ballad Catalogue Record
<seg n="1" rend="left">The Exhortatioun to the Lordis</seg>
O Lusty lords, & barrounis yat bene bauld That for gude caus ar now assemblit heir Pluk up zour harts, lat not zour curage cauld And prise ye lord zour capitane in weir. Will ze him serve ze neid nocht for to feir, The craft, the wit, nor policie of man For quhy the Lord will zit zour Baner beir, As he hes done sen first this caus began. Have ze forzet how that he did us luif, That time at leith quhen strangers did persew Our enemeis harts ze saw that he did muif To cum ouir Tweid us to help and reskew. Quhair we and thay; our enemeis ovirthrew Making us fre that lang in thrall had bene, Syne in this Realme plantit his gospel trew but scheding blud, quhilk hes not oft bene sene Fra ze began from blude to purge this land Thay murtherars thay never durst zow bide He gaif hir anis, and put hir in zour hand But ony blude, upon Carbarrie syde. Syne efter that, quhen lymmers loust the bryde He faucht for zow upon the Langsyde hill Zour fais wist not in what hoil yame to hyde Sum chaist, sum slane, sum tane into zour will. He send Moyses to governe zow and gyde Zour commounweill to reule and als redres quhair throw yis realme but rest did rin & ryde To bring the same, to rest and quyetnes. His diligence my toung can not expres Planting Justice baith in Burgh and land Danting rebels, quhilk proudly did transgres, His maik rang not, gif yat his dayis had stand. Richt prudently the Lord he did provyde For zow from tyme, he saw yat he was slane, And wald not thorll, zow be without a gyde Bot efter Moyses he raist Josua agane. Zow to conduct to ye land of Canan Mair Fortunat nor Moyses was befoir In fairis of weir ane worthy Capitane The Gentiles lands to yow for to restoir. Thair Parliament of Linlithgow he did stay Syne Breichen gat it, baid him not ane blast Down was gevin ouir, for feir of weir assay Paslay he wan, and now Dunbartane last His Capitanis maid all his fais agast, Sum tane, sum slane, sum chaist into the se Thir deids suld not, with silence be ouir past, Bot worthie ar Eternall Memorie. Zour Godly caus hes now tane gude succes In Ingland lait, I neid it not declair, Quhair my lord Chancelar tuik greit besines With your gude freind the Clerk of Registair Thair travell, wit, nor gudis yai did not spair For to uphald the Kings Authoritie, In presence of thay strangers that wer thair Working for him in his Minoritie. Ze do tryumph, albeit that ze be few Zour enemeis thay dar zow not ganestand, Quhat ze do schaip, ye Lord himself dois sew Quhat ze devyse, he wirkis it with his hand.
Thairfoir mak haist, lat nane be in this land, To leif lyke Lords, syne proudly to rebell Gar thame baith sweir and subscrive ye band Or failzeand this, do with thait levings mell. And gif ze dreid, yat sum will aithis ouir haill, And will not keip, nor zit observe thair bands For startling hald the Kow fast be the taill Appoint nane sic but pledgis in zour hands. And keip thame sure, sen ze se as it stands For cum that tyme that all yat sort desyris, Thay wil but dout send zow in uncouth lands To seirche and seik, your meit into the myris. Sen thair Intent, to zow was never gude As be thair deids richt cleirly may be sene Gif thame na leif to play with yow buk heid, As thay haif done, ay waitand on yair quene. Bot puneis all the quhilk ye knaw unclene Of outher blude, & quyte yame for yair meids And spair all sic will serve his grace serene, And had na wyte of nouther of thair deids. I wald ye did sum mair at this Conventioun, Nor did your fais at thairs thay held at Pace Quhat yai did yair, I neid not to mak mentioun Bot weill I wait, sum of yame rewis yat race. Zit top of wit was borne up throw ye streit, This commounweil had stand in better cace Had it fallin in his toung fell in his feit. Sen God hes put the sword into your hand Justice to do alyke to riche and pure, Tak heid yairsoir and na wife brek command Be circumspect of this your charge and cure Gif ye neglect, than God I yow assure Will from yat rowme thoill yow to be detrusit Planting uthers into that charge ye bure And gif yat sword to yame can rychtly us it. Be bent yairfoir, and byde not this in blunder, Baith the word of God & commounweil avance Ze neid na ma bor Gedionis thre hunder To quhip your fais or yat get help of France Mak to lyke men sen ye haif ordinance, Ding draffen doun yat hald quhairin yai pryde yame Bring in ye north with bumvart bow & Lance, Gif thay rebell with fyre and sword ouir ryde yame how & quhat way ye suld appost your bordour Maddeis counsall is verray excellent Scho did preserive ane gude & godly ordour That to performe, had ye bene diligent: Hard ye the pure, I wait ye wald lament Sa cruelty thay Tyranis dois oppres thame, Slaying yameselfis, yair gudis reft and rent For feir of God, I pray yow to redres thame. Quhat man did hoip of grange now dois appeir His cloikit craft of malice dois outspring, As in his Proclamatiouns ye may heir He dois Rebell and will not serve the King, Tratours yai ar, agane yow to maling, He being Crownit in lauchfull Parliament, Quha dances fastest with him into yat Ring, To his Crowning haith sweir & gaif consent.
Quhen the Regent gaif him that hauld ye saw He was the Kingis, & sweir thairtoir to stand, Albeit yat now, his grace he will nocht knaw, Nor zit Lennox for Regent of this land. Zit Robert Hepburne being in his hand And saifly enterit within that place, He said he was reset by his command And send Robert to my Lord Regents grace. Quhill yat he gat yat hauld and hous in hand, Into this caus he was baith bent and bauld Bot fra thyne furth than he gaif ouir yat band And in this caus he leit his curage cauld. This is the treuth, as trew men to me tauld, That samin tyme his maister was on lyve He wald not lat him enter in that hauld with na servands bot outher four or fyve. He hes not onlie suervit fra our actioun Bot dowbill murther he dois fortifie Desyring bargane of ony of our factioun, Of his degre, estait, and qualitie. We have nane sic, ye knaw in cumpanie, Him for to match, quhilk playit ye dowbil knaif For first he slew ane Maister cruellie, And syne betraist the last ye may persaif. Bot zit I knaw yair is ane hundreth heir Of gentillmen, and cum of Royall Race On hors or fute, with quhinger sword or speir, Dar weill him matche, & meit him face for face And preif him fals and Tratour in this cace He dar not fecht for this is his refuge, He wald compeir at every tyme and place Gif that he had ane unspectit Judge. And als ye se, he planely dois accuse, The Regents grace of cruell Tyrannie Aganis his fais quhilk he dois schaw and use In casting doun baith place and policie, Sen thay misknaw thair Just Authoritie, And will not serve, nor zit obey commands Ze may be Law subvert thair places hie, Syne tak fra thame yair lyvis geir and lands. I knaw thir letters ye sand into Dunbartane Quhilk dois declair his dowbil deids Inding Is only caus, I am baith sure and certane Quhilk garris him mak yis boist & manassing. Bot yit ye knaw it is ane commoun thing For weill I wait ye have sene mony sic, Tuiche anis the gaw, & yan the hors wil fling Fra tyme ye spur and hit him on the quik. It is your hous that maks him be sa bauld, Agane baith God and King for to disdane Except the Lord be watchman of the hauld, The Psalmist sayis thair watching is in vane As ye have sene within thir monethis twane, Ane greiter strenth ye gat as I record, Swa will ye zone, to God gif ye be bane And swa commits your wisdomis to the Lord
FINIS. Imprentit at Striviling be Robert Lekpreuik. Anno. Do. 1571.