%ISOlat1; %ISOlat2; %ISOnum; %ISOpub; ]> The Bischoppis lyfe and testament Sempill, Robert University of California - Santa Barbara The Early Modern Center English Broadside Ballad Archive (EBBA) Director Patricia Fumerton Associate Director Carl G Stahmer 1571-1571 Early Modern Center, University of California Santa Barbara Santa Barbara, CA 10/29/2018 36367

The University of California makes a claim of copyright only to original contributions made by Early Modern Center participants and other members of the university community. The University of California makes no claim of copyright to the original text. Permission is granted to download, transmit or otherwise reproduce, distribute or display the contributions to this work claimed by The University of California for non-profit educational purposes, provided that this header is included in its entirety. For inquiries about commercial uses, please contact:

Patricia Fumerton Early Modern Center - English Department University of California Santa Barbara, CA 93105 United States of America EMail: pfumer@english.ucsb.edu

S95163 CAlling to mynde the mutabiliteis / Of this Inconstant warld sa variabill, Society of Antiquaries of London - Broadsides Editor none none none none Information in this section of the Source Description refers to the original ballad manuscript. 18: 8 The Bischoppis lyfe and testament The Bishop's life and testament Sempill, Robert Printer Robert Lekpreuik 1571-1571

This document follows the guidelines specified for TEI.

XML Generated Automatically at 10/29/2018 3:26:42 PM Using EMC

XBallad Parsing Engine developed by Carl G Stahmer.

TEI Template developed by Gerald Egan and Modified by Carl Stahmer

All apostrophes are encoded as '.

Any dashs occurring in line breaks have been removed;

All dashs are encoded as ‐ and all em dashes as —.

 Early Modern Center Ballad Project Keyword Taxonomy advice affliction / health alcohol Americas animals / nature Bible / biblical figures buildings / architecture catastrophe children class clothing / appearance country / nation crime death economics / commerce entertainments family Featured folklore gender holidays / seasons infidelity labor / craft law London love maritime marriage military / war monstrosity mythology / Classical news nobility / court politics / government procreation punishment race / ethnicity religious concepts religious figures religious groups royalty rural life servitude sex / sexuality supernatural / magic travel trickery / deceit urban life vice violence virtue vulgar humor youth / age Library of Congress Subject Heading Taxonomy 10/29/2018 Santa Barbara, California, United States of America Ballads, English 17th century Broadsides, England 17th century 10/29/2018 3:26:42 PM XBallad Raychawdhuri, Anita Created XML Version of Ballad 10/29/2018 3:26:42 PM Transcription Supervisor McCants, Kristen Transcription of ballad manuscript 10/29/2018 3:26:42 PM Double-Key Comparison and Merging McCants, Kristen Transcription of ballad manuscript 10/29/2018 3:26:42 PM Transcriptionist Two Raychawdhuri, Anita Transcription of ballad manuscript 10/29/2018 3:26:42 PM Transcriptionist One Messner, Milena Transcription of ballad manuscript 9/7/2017 Bibliographer Kristen McCants Initial Ballad Catalogue Record Created 6/11/2018 Checker Kristen McCants Edited Ballad Catalogue Record
<seg n="1" rend="left">The Bischoppis lyfe and testament</seg>
CAlling to mynde the mutabiliteis Of this Inconstant warld sa variabill, Lyke to ane Schip that saillis on the seis Tost with winds & wallis Innavigabill. Bot sen I se na plesure permanabill Bot as the weid it widderis sone away, Lat us go seik the gloir Inestimabill Quhair we man pas perpetually for ay. With spreit opprest this plungit in to cair, Remembring me quhat mater to compyle Endlang ane Park I past without repair Be Snawdoun syde the sevint day of Apryle. And as I walkit wandering not ane myle Ane pieteous spreit appeirit to my thocht, Sayand allace, and waryit be the quhyle That I was borne, or in this warld upbrocht. Can I nocht tell gif be Illutioun Or gif be feir sic fantaseis we tak, Bot this he said in schort conclusioun Deplorit ane plaint, and planelie to me spak. Poetis of me hes mater for to mak, In tragedie quhat tyme I heir remanit And with that word I went sumthing abak, And bad say on, and with God saif me sanit. I was (said he) ane Lord levand on lyfe, Ane bastard barne, that can I not deny My Father was ane Erle and had ane wyfe Thocht he abusit his body and lay by. In Goddis Ire begottin sa was I My mother was a Dame in Dundafmure Bot quhidder it was in feild keipand the Ky Or fischand Lochis Lin I am not sure. As for my surname seik my mothers aith, Quhylis Cuninghame yai callit me heir & yair bot gude John Cowane gaif me meit and claith Quhill I was sevin yeir auld and sumthing mair the Provest of Hammiltoun cummand by for cair Fand me with Ky ane kyndlie occupatioun, And Hammiltoun he me huif I zow declair Ane sorie Surname for my awin salvatioun. To preif my spreit, and say my scharp Ingyne With John of cliddisdail yai causit me to strive Be worsling first, in faith the feild was myne, I brak his heid to have prerogative. Quhat sall I wryte zow in my wittis five? I was coequall with Achitophall, Or subtill Sinone knaifrie to discrive And all my deidis mair Diabolicall, In leirning letters lang tyme at ye Scule My pregnant spreit surpassit all the laif, Quhill I was cowit, and cled up lyke ane Fule In Stemming Rokket riches to ressaif. Than twa zeiris Noveis notit for ane knaif Zond in Kiluinning my prentischip I past Bella fortuna to me sic giftis gaif To want na graith, and ay the Gallous last. Than my Lord Arrane from Albany ye Duke, Obtenit the gift of Murray be ane myance Quhen Abbotschaw sic havie haitrent tuik At the haill hous of Lennox and thair alliance. Quhaitfoir he coist, and left thame at defyance, Than I fund Jok was into Paslay plaist Smart in my schuitting, & singular in my science And sum men sayis the bybill I Imbraist. For feir of that, thay gart me fle to France In waryit tyme I trow I went of towne, Quhair I begouth with guthorne for to dance, To loup on Laffis lait and play the Lowne. My Stemming Sark, & Rokket was laid doun, Fra tyme that I hard tell the King was deid Than I began haill Tutour to the Crowne To steir my tyme the temporall lawis to leid. The first that ever vaikit was Dunkell And I was gaip and lyke ane gredie gled, The Cardinall deit, and than Sanctandros fell My power haill unto the Paip I sped.
Quhen thay had rypelie all my bowes red Aganis thair Cannoun Law thay gaif decreit For I was bastard borne of unlawfull bed Zit furtherit I becaus thay fand me meit. Without respect to God or feir of faith, Plumand but pietie I did oppres the pure Be fenzeit causis I confiscat graith Men criminall to accuse I tuke na cure. Quhen it was gottin I gaif it to my hure Quhome I possest in speciall Stanehous wyfe Of all the barnis my Lady Jeltoun bure Scho me constranit to mak Ilk ane a lyfe. Rowpand for riches quhill all my barnis wer staikit as houngrie Lyoun lousit out of a band, Sum benefice I bocht or ever it vaikit And sum I wardit waitand on thair land. Kilburnie haldis Drumry behind the hand Raith and Bernbowgall, & mony honest man Na wrangous conqueis Christ wil thoil to stand Evill was it wairit, and weill war I it wand. Be justice airis I pledgit all the pepill Than spairit nane, thocht thay wer Innocent, To Magnifie my name I maid ane Stepill Of everie pleuch I tuik fyve pund of Stent. Swa of this lyfe the Lord was miscontent Seand my faith not foundit on ane Roik, As babell fell, sa Paslay may repent That I the maid of Malesounis of foik. Than was I Legat licent be the Paip, With dispensatiounis, sawis for everie sair To eik my pois I leit thame pas gude chaip By quha sa wald, I wantit na sie wair. For holynes thay heipit on me mair Greit Metrapolitane of the Kirk of God, Quhen I was Hird the scheip was in ane snair Lyke till ane flok of hennis befoir ane Tod. Quha landit than, bot Lennox out of France To battell boun with him was bernis bauld, Sair I in dreid, quhill I devysit that dance Of Glasgow Castell gat it bocht and sauld. Greit was the riches fund within that hauld, Plaitter nor pols we never left [?] plak Coistlie apparell that cannot weill be tauld We left him bair till all was on his bak. Efter the feild we followit him sa fast, Spuilzeit his places, & tuik baith gudis & geir, Quhill all the land he left us at the last Quhair Lawrence Neisbit chaipit verray neir. Contrair my conscience, and the actis of weir Murdreist his men that micht me nocht resist That saikles blude rang sex and twentie zeir, Quhill Palmsonevin that same day I deceist. Bot to my taill heir I returne agane, Quhen ze began in goolynes to gloir I tuik my womit wickitlie in vane, Contrair my conscience I profest befoir My mynd was than the Messes to restoir, Bot now to lait, I lat that Law allane Had I fund graith my honour to decoir I caird not by, quhat way the warld had gane. At Haryis Mariage I bure hid Invy Feirand he procreat children with the Quene His putting doun I publictly deny, Zit botis & hummis declairis zow quhat I mene And scho wer wrakit, all the warld may wene Than sould the Duke but dout ressaif ye croun, This was my purpois planely to obtene Under sum craft to cow the Stewartis doun. Than was scho caryit captive as thay tell And quha nor I was fainer of that fact? Except the countrie come not with our sell Quhilk was the only caus we bure abak. For feir of Murray sic myance gart I mak Be fraud and gyle we gat hir of Lochlevin, Seikand our gloir we gat baith schame and lak Our fals intent was sa tryit out in hevin.
Zit cuttit I away thair warldly strenth James Erll of Murray Regent of Renoun, As I sall schaw zow schortly at mair lenth I being captive tane to Striviling Toun. Dunbartane Castell Devill mot ding the doun Quha wald beleif, bot thow was wicht aneuch Bot zit the Lord is Maister of Mahoun Inspyrit thair spreitis, & gart thame speill that heuch. Bot quha may leif, fra tyme his glas be run As I have schawin heir schortly to conclude, Sone was I helterit fra the hous was wun To Snawdoun syne, accusit with men of gude. Of pointis four, bot stifly I withstude. Except the Regentis deith I nocht denyit, I was the only man gart spill his blude And mekle mair gif all the treuth wer tryit. Gude pepill heir to have zow not abusit, Just ordour led I lat zow understand In Parliament I was forfalt and accusit, Quhair I was baith convict of lyfe and land. Denuncit Rebell, and fugitive fra hand Quhairfoir I knew my deid gif I wer gottin, Thay socht na Law, bot thay befoir yame fand And will be usit quhill we be deid and rottin. And quhair ze speik of auld perticular Without avise of thair Nobilitie, The Erll of Angous and my Lord of Mar Glencarne, Ruthuen, Cathcart, and Duchiltrie Methuen, Lochlevin, with Lairds aboundantlie The Justice Clerk my dittay red perqueir Than fra I saw I was condampnit to die This was my haill Confessioun ze sall heir. Sequitur Confessio. Gude pepill all, I pray zow to pray for me, Quhat may my rent of riches now decoir me? This far I speik in presence of zow al: Complenand heir with pietie I deploir me Quha is the Lord to lyfe may now restoir m[e] Heirfoir go mark this in Memoriall Twyse being bischop with sic beriall, Hard to beleif sum fyme to se me hing Gif I had servit my God, and syne my King Quhair ze accuse me of the Kingis d[?] Gif I it knew, God nor I want my heid Except and quhen I hard the hous was fyrit I feirit myself, and dred sum deidly feid. Than I persavit that he was past remeid I knew sum Tratouris had his deith conspyrit Thocht Johne my servand said as he desyrit, Under Confessioun speikand to ane Preist Mair beist was he that bure it not in his breist. My former faith I cannot weill Recant, Nane I accuse I come not heir to Sant Gif to reveild, may help me heir I dout As to the Regentis deith in deid I grant. I weill awow it, becaus he leit me want, That ze may tell till all that standis about My voce is waik, I may not weill speik out, And of my Manus tuas I have sic haist With ite missa est said I gaif the Gaist. This being said, the cludis obscurit the sky And I was feirit and hamewart did me hy, Maid to the Towne and steppit up the streit And as I past, the Potence I espy Quhair the annoyntit Bischop hang to dry. I was Sanct Thomas quhill I tuichit his feit On Palmsonevin this paper I compleit, Evin word be word, as to the treuth belang And gif I lie, God nor the liers be hangit.
FINIS. Quod Sempill. Imprentit at Striviling be Robert Lekpreuik. Anno. Do. M.D.LXXI.