%ISOlat1; %ISOlat2; %ISOnum; %ISOpub; ]> The Poysonit Schot Sempill, Robert University of California - Santa Barbara The Early Modern Center Director Patricia Fumerton 1570-1570 Early Modern Center, University of California Santa Barbara Santa Barbara, CA 04/20/2011 30363

The University of California makes a claim of copyright only to original contributions made by Early Modern Center participants and other members of the university community. The University of California makes no claim of copyright to the original text. Permission is granted to download, transmit or otherwise reproduce, distribute or display the contributions to this work claimed by The University of California for non-profit educational purposes, provided that this header is included in its entirety. For inquiries about commercial uses, please contact:

Patricia Fumerton Early Modern Center - English Department University of California Santa Barbara, CA 93105 United States of America EMail: pfumer@english.ucsb.edu

S124075 O If wicked vice first sen the world began / Had age be age, but punishment Increst? Roxburghe Ballads Editor None None None None Information in this section of the Source Description refers to the original ballad manuscript. 3: 1 The Poysonit Schot The Poysonit Schot The Poisoned Shot Sempill, Robert Printer Robert Lekpreuik 1570-1570

This document follows the guidelines specified for TEI.

XML Generated Automatically at 4/20/2011 11:07:39 AM Using EMC

XBallad Parsing Engine developed by Carl Stahmer.

TEI Template developed by Gerald Egan and Modified by Carl Stahmer

All apostrophes are encoded as '.

Any dashs occurring in line breaks have been removed;

All dashs are encoded as ‐ and all em dashes as —.

 Early Modern Center Ballad Project Keyword Taxonomy advice affliction/ health alcohol animals/ nature Bible/ biblical figures buildings/ architecture catastrophe children class clothing/ appearance country/ nation crime death economics/ commerce entertainments family folklore gender holidays/ seasons infidelity labor/ craft law London love maritime marriage military/ war monstrosity mythology/ Classical news nobility/ court politics/ government procreation punishment race/ ethnicity religious concepts religious figures religious types & sects royalty rural life servitude sex/ sexuality supernatural/ magic The New World travel trickery/ deceit urban life vice violence virtue vulgarities/ crass humor youth/ age Library of Congress Subject Heading Taxonomy 4/20/2011 Santa Barbara, California, United States of America country/ nation crime death royalty vice violence virtue Ballads, English 17th century Broadsides, England 17th century 4/20/2011 11:07:39 AM XBallad Mellon, Gillian Created XML Version of Ballad 4/20/2011 11:07:39 AM Transcription Supervisor McAbee, Kristina, Nebeker, Eric Transcription of ballad manuscript 4/20/2011 11:07:39 AM Double-Key Comparison and Merging Meyer, Shannon Transcription of ballad manuscript 4/20/2011 11:07:39 AM Transcriptionist Two Hammerschmidt, Soren Transcription of ballad manuscript 4/20/2011 11:07:39 AM Transcriptionist One Abrams, Annie Transcription of ballad manuscript 7/22/2008 Bibliographer Giles Bergel Initial Ballad Catalogue Record Created 11/21/2008 Checker Meghan Fadel Edited Ballad Catalogue Record 11/21/2008 Checker Meghan Fadel Edited Ballad Catalogue Record 11/21/2008 Checker Meghan Fadel Edited Ballad Catalogue Record 11/21/2008 Checker Meghan Fadel Edited Ballad Catalogue Record 11/21/2008 Checker Meghan Fadel Edited Ballad Catalogue Record 11/21/2008 Checker Meghan Fadel Edited Ballad Catalogue Record 11/15/2010 Checker Grafals Michael Edited Ballad Catalogue Record 11/15/2010 Checker Grafals Michael Edited Ballad Catalogue Record 11/15/2010 Checker Grafals Michael Edited Ballad Catalogue Record 11/15/2010 Checker Shannon Meyer Edited Ballad Catalogue Record 11/15/2010 Checker Grafals Michael Edited Ballad Catalogue Record 10/22/2010 Checker Grafals Michael Edited Ballad Catalogue Record 10/10/2008 Checker Shannon Meyer Edited Ballad Catalogue Record 10/10/2008 Checker Shannon Meyer Edited Ballad Catalogue Record
<seg n="1" rend="left">Poysonit Schot</seg>
Gif wicked vice first sen the warld began Had age be age, but punishment Increst? In earth lang syne thair had bene nothing than, Saif only vice and malice manifest. Bot to thir dayis sic meanis God ay drest, Aganis vice that vertew ay hes strevin: Thocht ather uther be tyme hes oft opprest, Last Justice Judge bure ay the ballance evin. Sa of his plesure it plesit him provyde, Us to exerce as ship under the saill: Sum tyme in storme, sum tyme in temperate tyde To let us knaw this warld is but fraill. Betuir gude and evill markand our travaill, In evills flude not menand our nawfrage: Princes be Justice he ordanit in this vaill, Us to conduct as Pilats dois their Barge. And sa we se in Storeis as we reid, Ay to thir dayis sum Magistrates did ring: Sum gude some evill, be tyme as oft succeid At quhais plesure vertew did fade [or] spring. The gude did vertew, the wicked vice upbring Quhat plesis them the same the pepil suittis And sa we se the maners of the King Is ay the mark quhairat his subjects shuittis This part to preifue thair particular lines It war to lang in vulgare veirs expresit, At lenth the same sen Cronickles discrives, And als experience will cause us to [co]nfes it. And last of all, how wicked vice In[c]res it Amang our selves throw Mareis negligence, And how the same began to be suppr[e]ssit: Be Murrayis meane we haif experience. Quhat vice rais up revolve into your minds Quhat sin, quhat shame, in hir last dayis did reil That prudent Prince gif that he tuik sum pynis That mys to mend I hope ye haif ane feill. Gif ocht he socht except ane commoun weill, The gloir of God and Kingis obedience: And in that cause maid Justice ay his sheild, I seik na Judge bot your awin conscience. His awin estate he cairit ay to [k]naw, For pompe nor pryde can na man say he preist, Societie he socht, and keipit curage law, Thinkand alwayis that mesure was ane feist. His peple luifit, and cairit for the leist, For profite paust not, nor his commoditie: In trouble travellit: his cummer never ceist Ay to his wraik, and our utilitie. Thus be his prudence vertew was erectit In him the pure oppressed had releif: Throw him Idolatrie and vice wes ejectit, Throw him Gods Kirk and peple fand releif. Throw him wes vinqueist the veildars of this greif Throw him this realme fand sum stabilitie Throw him was baneist thift, murther, & reif, Piracie puneist, and devillishe sorcerie. Sa vertew sprang and vice began to faide, Oppressioun fled, and Justice tuik the place, His godly lyfe all godly men may aide: Be his exemple vertew to imbrace. And als his lyfe may in ane other race, All Princes warne heirefter to succeid: Thair foes to flatter that hes ane double face, And to be war to clap ane traytours heid.
Even as the man the quhilk be musik playis Mistonit stringis castis not away we se, But peice and peice be sundrie wrestis & sayis Ilk ane with uther be tyme causis agre. Even so that Prince thocht be humilitie, His peple wyn, and concord to contrake Bot as sum stringis will rather brek nor be, Evin so the wickit be mercy will not make. His mercy wan: bot mair his mercy tint Not he, bot we, his mercy now may rew His mercy loist we wan the swordis dint, His mercy saifit, be murther that him slew. Suppose his mercy this bergane to us brew Yit mene I not bot men suld mercy use, To penitents, quha myndis not vice renew, Bot nane to sic continewis in abuse. His mercy saifit, quha mercy not deservit, His mercy did preserve the arrogant: His mercy sum amangis us hes preservit, Thocht thay seme holy in deid that ar na sanct. His mercy saifit, we wer the better want, Thair Serpents seid to tyran[t]s wald us thral Because sic peple in tyme he did not dant, But warldly mercy Christ sufferit hun to fall. For mortall malice, and curst covetice, With wickit Invy commonit all in Ire: And prydefull arrogance the mother of all vice Aganis that Prince did cruelly conspire. His fais hartis Inflamit all in fyre, His blude to seik Invyfull of his gloir: Saikles to shuit him ane harlet feit for hyre, Hangman to Hary, that tratouris wes befoir. O bludy bouchour bastard of Balials blude Quha to this Realme had nother lufe nor zeill O tressonable tratour be tresson that thocht gude Murdreis the Prince preserver of this weill. O sorrowfull shot, thy poysoun did doun steill, Not only him, quhom wofully thow woundit: Bot pure & riche, thy vennoume hes gart feill, Of his deir deith the stoundis him confoundit. That shot allace this realme hes shot in tway That shot to vice the portis hes oppinit plane, That shot hes Justice and vertew shot away, That shot Idolatrie is shuitand up agane. Sic shottis unpuneist gif lang time thai remane Vice sall be vertew, and vertew sall be vice: Wrang sal be richt and richt sal be thocht vane Ilk ane unpuneist sall pleis thair awin device. That shot hes sinderit quhilk was togidder knit That shot hes cuillit our curage as the leid That shot hes feiblit our manly force and wit, That shot our sichts hes blindit all in deid. We se and spyis not our sorrowis to succeid, We meint & meinis not this wickitnes correck We wald and will not hank thame be the heid Qhua hes preparit the swordis for our nek. Vagabounds we wander in miserie & wo As ship but Ruther, sa ga we now but gyde: We skail we scatter we wait not quhair we go Spyis not the rock quhairon we rashe our syde We haif na grace nor power to provyde, Aganis this rage and cruelties remeid Bot willingly allace throw arrogance & pryde Offers this Realme as Sacrifice to deid.
In place of peace now murther weir uprasis In place of lufe Invy amangis us springis, In place of Faith his freind falset betrasis In place of rest Rebellioun with us ringis. In place of ane, we have so mony Kingis, The Crownit King gettis na obedience, Sum France for aide, & sum Ingland inbringis The ane for wrak the tother for defence. And so this Realme quhilk enemeis oft sayit With cruell weir and sturdie stormis fell, Quhilk feirful force of Ingland never frayit, Of France the feir, nor Spaine in just quarrel Quhilk to thir dayis unvenqueist buir the bell Sall now allace be fatell Destenie: As Ajax wes, be vanquer of the sell, On proper knyfe constraynit for to die. Quhat wald allace our Kings & elders say, Gif in thir dayis from hevin that now discendit To se this Realme so dulefully decay, In quhais defence thair lusty lyvis thay endit. Thay wald I trust repent thair time sa spendit Thay wald I wait thair labouris loist forthink To se thair Babes the blude quhilk thai defendit Aganis nature sa cruelly updrink. Justlie this plague I dout not we deservit Seikand the menis of our awin mischeif: Bakwart from God because we haif suervit Thairfoir we taist his punischment in greif. Yit in his mercy haifand ay beleif, Still sall I pray his devine Majestie, Aganis this rage to send us releif, Our King to saif and his Nobilitie. Lenvoye. GO bony bill deploir Of deith the dolent stound, Quhilk did our Prince devoir James Regent of Renoun. I pray the go, declair the wo Sen syne that dois abound, I gif command, throw burgh and land, the same yow gar resound. Our cair may move the stonis, And havie rockis to rair: Swa mony stormes at onis, Struke never land sa fair. The cause of that, the hevins wat, Not I, I yow declair, Except it be, to let us se, How Kingdomes ar bot cair. Yit lat us not dispair Into thir walis of wo, God may convert our cair in plesure and in Jo. He may discord, turne in accord, And mak him freind was fo: He may I trest, set us at rest, Thocht all the warld say no. It sulde releve our greif, To se our King bening: In him I hope releif, Of yeiris thocht he be ying. His future age, sum great presage, Presentis us in his Ring: Quha our defence, in his nascence, Tuik haill in governing.
FINIS. Imprentit at Edinburgh be Robert Lekpreuik. Anno. Do. 1570.